Imaxe de Cristo crucificado de tres clavos, realizada en marfil s sobre cruz de ébano. A imaxe do Salvador está realizada a partir de tres pezas de marfil: unha para o corpo e outras dúas para os brazos. Esta demostra un coidado estudo anatómico, aspecto que se fai visible en detalles como a estructura do torso, as articulacións das extremidades superiores e inferiores ou as veas. Destaca tamén o minucioso traballo levado a cabo no rostro e os cabelos. O artista logra captar a Xesucristo no instante preciso en que eleva a mirada cara o ceo, ca boca entreaberta, nunha imaxe que conxuga sabiamente a dor do martirio coa preceptiva contención e serenidade que require o tema.
Outro aspecto destacable é a cartela de marfil que coroa a peza. Neste titulus pódese ler a lenda “Xesús de Nazaret, rei dos xudeus” en hebreo, grego e latín, respectivamente; nesta última mediante o seu acrónimo: «INRI».
Polo demáis, a cruz esta realizada en madeira de ébano e esta rematada con unas cantoneiras en bronce sobredourado. Esta conta ademáis cun fileteado de prata que recorre o borde da peza (Chamoso Lamas e Casamar, 1980: 167).
En canto á peana, esta conta con once tecas destinadas a albergar distintas reliquias. Neste corpo inferior é posible observar pezas de diversa natureza, o que falaría dalgunhas intervencións de reparación nesta parte da obra.
Por último, a escultura de marfil posúe unha inscripción na parte posterior do pano de pureza, a cal contén a data de realización: «C A G 1605». Polo demáis, carece da correspondente coroa de espiñas e dalgúns dedos de mans e pés (Chamoso Lamas e Casamar, 1980: 198).
- Chamoso Lamas, M. y Casamar, M. (1980). Museo de Arte Sacro Clarisas de Monforte de Lemos. Madrid: Caja de Ahorros de Galicia.